Шпанските научници тврдат дека, секојдневната консумација на половина литар пиво е корисна за здравјето...

Специалнистите утврдиле дека умерените количини од пенливата напитка ја намалуваат опасноста од дијабетис и висок крвен притисок, како и помагаат за намалување на тежината.

Истражувањето е спроведено врз 1249 доброволци и од двата пола на возраст над 57 години.

Резултатите покажуваат дека учесниците кои комбинираат медитеранска исхрана со половина литар пиво не само што не се здебелиле, туку во некои случаи дури и ослабуваат.

Во 500 мл. пиво има околу 200 калории, како во една чаша кафе со полномасно млеко.

Научниците откриле уште дека, пивото е исто толку корисно за здрвјето, колку и умерената потрошувачка на вино.

Пиво содржи фолна киселина, витамини, железо и калциум кои според истражувањето имаат заштитен ефект за кардиоваскуларниот систем.

Авторите на истражувањето препорачуваат умерените количини на пиво да се комбинираат со здрава исхрана и спорт.