Производителите на компјутери досега имале голем број на жалби од клиентите, како на пример пресилна бучава, лоша ергономија, неквалитетна изработка...

Но, со сигурност тврдиме дека вакво нешто не се случило досега.

Новиот модел на лаптоп на Dell, 6430u се рекламира како "најиздржливиот ultrabook на светот", но, клиентите се жалеле од нешто сосема различно. Станува збор за непријатна миризба која била толку силна и интензивна, што ја споредиле со мирис од урина од мачка!?

За овој редок и непријатен проблем дури се води и расправа на официјалниот форум на Dell за поддршка на корисниците. Самата компанија го признала овој проблем, додавајќи дека "од ова нема никаква штета за здравјето" односно "нема никаква поврзаност со мачки". Dell сепак најавил решение за овој проблем, иако се уште не прецизирал какво.

Непријатниот мирис натерал некој клиент да се ослободи од неговата мачка, кој купил Dell 6430u лаптоп. Невиното животно било главен виновник за неподносливата реа.

Не е познато дали неговиот сопственик го вратил откако дознал дека и другите клиенти го имаат истиот проблем.