Шпанија Дефанзивецот на Реал Мадрид, Пепе е подготвен за враќање на теренот, би можел да настапи уште на натпреварот против Осасуна.

Португалскиот интернационалец, Пепе се опорави од повредата и се приклучи на тренинзите на тимот, тој е подготвен за настап и се надева дека ќе биде дел од дуелот со Осасуна.

"Се чувствувам добро и нестрплив сум да излезам на теренот и да му помогнам на тимот. Не можам да дочекам повторно да играм на Бернабеу, тоа ми е многу важно" - вели Пепе.

"Ние секогаш одиме на победа, но невозможно е тоа да го правиме цело време. Сепак треба да се бориме секогаш до крајот за трите бода. Тоа е она што ќе го правиме".

"Осасуна има добри напаѓачи и добар состав. Ќе се трудиме да ја наметнеме нашата игра уште од самиот старт".

"Мурињо е поинаков од другите. Тој е многу добар тренер, ова е нова ера за него и за нас" - изјави Пепе за официјалната страна на Реал Мадрид.

Powered by: 24 FUDBAL.com.mk