Англија Како што се очекуваше екипата на Вест Хем реши да ја прекине соработката со менаџерот Џанфранко Ѕола

За иднината на Џанфранко Ѕола на Аптон Парк се шпекулираше многу во последните неколку месеци.

Медиумите од Англија во неколку наврати најавуваа дека стратегот од Италија ќе го напушти Вест Хем поради слабите резултати.

Сега по крајот на сезоната Чеканите решија да се разделат со Ѕола и ваквата одлука воопшто не е изненадувачка со оглед на тоа дека тој беше во конфликт со ко-сопствениците Дејвид Саливан и Дејвид Голд уште од првиот ден кога тие го превзедоа клубот во јануари.
“Вест Хем Јунајтед може да потврди дека е раскинат договорот со Џанфранко Ѕола.” – гласеше соопштението на Чеканите.

“Бордот на директори сака да му се заблагодари на Ѕола за придонесот и да му посака се најдобро во иднина. Клубот сега ќе го насочи својот фокус и напор кон пронаоѓање на негова замена.”

“Клубот повеќе нема да коментира околу ова прашање.”

Powered by: 24 FUDBAL.com.mk