Англија | Менаџерот на Арсенал, Арсен Венгер вели дека во моментов иам други приоритети па не се водат преговори за ангажман на Златан Ибрахимовиќ...



Швеѓанецот е обврзан кон ПСЖ до 30. јуни и најави дека летоска ќе замине од Париз.

Неколку клубови се поврзуваат со Златан Ибрахимовиќ, а последните шпекулации велат дека напаѓачот сака да живее во Лондон и веќе бил понуден на Арсенал.

Сепак, Арсен Венгер вели дека во моментов има други приоритети и не преговара за ангажман на популарниот „Ибракадабра“.

„Во моментов не се обидуваме да потпишеме со Ибрахимовиќ” – рече Французинот на денешната прес конференција.

„Имаме други грижи, се фокусираме на краткорочните обврски а не на трансферот на Златан”.

„Дури и на 34 години тој има одлична сезона со ПСЖ. Но повторувам, во моментов имаме други приоритети и не работиме на засилување на тимот за следната сезона”.

Извор: 24FUDBAL.com.mk