Лига на Шампиони | Предводникот на Динамо Киев знае дека пред себе има тешка задача бидејќи богатиот Манчестер Сити гостува во Украина...



За поранешниот напаѓач Серхиј Ребров, Динамо Киев е првиот тренерски предизвик. На кормилото на украинскиот гигант е од април 2014 сезона, а вечерва Манчестер Сити ќе му биде до сега најголемиот натпревар.

„Манчестер Сити е најдобриот тим во Премиер Лигата кога станува збор за постигнати голови. Нивните порази не значат ништо. Имаат навистина неверојатни играчи. Во секој случај имаат и некои слабости кои ние ќе се обидеме да ги искористиме.“

Кевин де Брујне ќе недостасува кај „граѓаните“, но за Ребров тоа не менува ништо.

„Не мислам дека тој е незаменлив. На пример Стерлинг и Силва се исто така важни играчи кај Сити. Нивните играчи секогаш се борат за да бидат во првите 11, никој нема сигурно место. Тоа е една од причините поради што секоја сезона се борат за врвот во Англија. Би го додал и Агуеро бидејќи може сам да реши натпревар.“

Извор: 24FUDBAL.com.mk