Шпанија Стратегот на Барселона, Пеп Гвардиола побара од Златан Ибрахимович и Тиери Анри да ги подобрат перформансите со цел тимот да освои титули оваа сезона

Гвардиола беше задоволен од перформансите на неговиот тим на вчерашниот дуел со Штутгарт во кој Каталонците победија со 4-0.

“Настапивме со голем интензитет, бевме агресивни во нашиот пристап и не им дозволувавме да размислуваат премногу.” – рече Гвардиола.

“Конечно го вративме најзначајното од нашата игра. Сите играме за да си помогнеме еден на друг, сите прават се што треба и тоа е патот по кој треба да продолжиме оваа сезона.”

Лео Меси блескаше на дуелот со Штутгарт и Пеп имаше многу пофални зборови за Аргентинецот.

“Потребно е тој да земе големо учество во нашата игра. Во последно време тој игра во центарот а не по страничните позиции.”

“Тој едноставно е најдобар, тоа е се што можам да кажам. Не би го менувал за никого.”

Златан Ибрахимович натпреварот го започна од клупата за резерви а во првиот состав беше Анри, кој покажа солидни перформанси против Валенсија.

“Не можеме да сториме ништо без најдоброто од Анри и најдоброто од Ибра.”

“Го оставиви Ибра на клупата за да се обидам да го повторам доброто чувство што го имав во второто полувреме од дуелот со Валенсија.”

“Мојата цел е да го извадам најдоброто од него.”

“Среќен сум поради формата на Анри но сеуште сакам повеќе од него.”

Powered by: 24 FUDBAL.com.mk