Франција | Златан Ибрахимовиќ го повикува Руни да го одбере ПСЖ доколку одлучи да замине од Манчестер Јунајтед...

Богатиот француски шампион беше еден од клубовите кои се поврзуваа со Руни ова лето. Англискиот репрезентативец сакаше да си замине од Олф Трафорд, па повеќе клубови се поврзуваа со неговото име.
 
Ибра е голем фан на Руни и вели дека бил возбуден од шпекулациите кои го поврзувале Англичанецот со ПСЖ.
 
„Ме возбудуваа гласините кои велеа дека Руни би можел да дојде во Париз" - изјави Ибрахимовиќ за Sun.
 
„Мислам дека тој беше јасен летото кога рече дека сака свежи предизвици, а работите не се одвиваат добро за Манчестер Јунајтед оваа сезона".
 
„Доколку сеуште сака да замине следното лето или во јануари, би му препорачал да дојде и да игра со мене во Париз. Единствената насока во која се движи овој клуб е напред".
 
„Доколку дојде тука ќе треба да се соочи со фактот дека Златан постигнува и подобри голови од него".
 
„Но јас не сакам да играм само со одлични фудбалери, сакам да играм со технички одлични фудбалери, каков што е тој".
 
„Можете да работите на техничкиот дел од играта, но тоа е нешто што тешко можете да го научите. Или го имате или го немате, Руни го има".

Извор: 24FUDBAL.com.mk