Италија | Интер и Јувентус одиграа без победник 1-1, Милан во финишот од натпреварот се избори за реми на гостувањето кај Торино, Наполи забележа нова победа со која се искачи на врвот во Серија А...

Јуве влезе како фаворит на гостувањето кај Интер, но Нероазурите покажаа дека ќе бидат сериозен играч во Серија А и покрај тоа што имаат значително реновиран состав.

Долго време резултатот беше 0-0, со по неколку шанси и на двете страни.

По асистенција на Рики Алварез во 73. минута, Икарди реализираше за водство на Интер од 1-0 и голема радост од 1-0.

Но само две минути подоцна атмосферата ја смири Артуро Видал со погодок за изедначување на 1-1.

Интересно беше во Торино каде што Милан одигра 2-2 спасувајќи се од пораз во последните моменти од натпреварот.

Кака беше стартер за Росоњерите и на теренот се задржа до 70. минута кога беше заменет.

Торино имаше водство од 2-0 со головите на Дамбросио во 47. минута и Черчи во 64.

Мунтари со смешен гол во 87. минута го намали водството на Торино, а Балотели од пенал пред самиот крај на натпреварот изедначи на 2-2.

Наполи ја оправда фаворитската улога и со 2-0 славеше над Аталанта.

Засилувањата од Реал Мадрид го решија натпреварот, Игуаин во 71. минута донесе водство од 1-0, десет минути подоцна Каљехон го постави конечниот резултат.

Горан Пандев беше стартер на натпреварот и играше до 65. минута кога на негово место влезе Марек Хамшик.

Со овие три бода Наполи има перфектен старт на сезона и во моментов е на чело на табелата во Серија А.

Извор: 24FUDBAL.com.mk