Актерот номиниран за Оскар ги посети ранетите во нападот на маратонот во Бостон.

Случајот на двајца бомбаши кои изведоа напад за време на маратон го вознемири целиот свет, па и актерот Бредли Купер. Еден од главните јунаци во „Мамурлак“ снимал нов филм во Бостон, и бидејќи продукцијата е прекината поради трагедијата, тој го искористил слободното време да ги посети жртвите.

На Twitter е објавена фотографија од Купер како зборува со Џеф Боман, момче кое во експлозијата ги загуби двете нозе.

Сликата ја поставил играчот на Њу Ингленд Пејтриотс, Џулијан Еделман, кој напишал дека заедно со Купер го посетиле „инспирацијата, фраерот и херојот“ Боман.