Пејачката Кеша ја краси насловната страница на списанието Vibe за месец ноември 2012.

Освен што Кеша позираше во многу заводливо издание за ноемврискиот број на списанието Vibe, таа прозборе и за своите две најголеми љубови: шопингот и музиката.

„Ретко кога одам во шопинг. Обожавам евтин накит и костими. Парите не го одредуваат степенот на мојата среќа. Но, сепак, забавно е да имаш чевли од кои излегува оган“, рече пејачката за шопингот.

За текстовите на своите песни, Кеша изјави: „Првиот албум беше посветен на забавата и младоста, а овој е нешто поинаков - повеќе зборува за мојата личност. Зборовите на песните не треба да се сфаќаат пресериозно, важно е да се забавувате додека ги слушате.“

„Првиот пат кога некој ме нарече раперка, почнав да се смеам“, одговори Кеша на прашањето за тоа зошто некои ја сметаат за раперка. „Бев во шок, но сеедно ми беше многу смешно. Но, тогаш ми обрати Андре 3000 и изјави дека мисли дека сум добра раперка. Истото го сторија и Виз Калифа, кој е мој многу добар пријател, а потоа и Снуп Дог. Не можам да верувам, тоа ми е премногу лудо.“