Познатата актерка вели дека е пресреќна што покрај себе го има Едуардо Круз, помладиот брат на Пенелопе Круз затоа што тој ја спасил од депресија по разводот од Тони Паркер и и ја вратил вербата во љубовта.

Западните медиуми по разводот на Ева Лонгорија и Тони Паркер, покрај романсата со Едуардо, пишуваа и за нејзините наводни врски со други мажи, можното помирување со Тони, но „очајната домаќинка“ одлучи на тие трачеви да им стави крај.

Ева во интервју за декемврискиот број на шпанското издание на списанието Vanity Fair рече дека Едуардо бил нејзиниот „спас по разводот“.

„Љубовта исчезна со ‘таа личност’“, рече Ева, мислејќи на Тони и додаде дека кога младиот Круз (26) се појавил таа оживеала. „Единствено што можам да кажам е дека сум пресреќна со Едуардо“.

За Тони вели дека се омажила затоа што верувала во нивната љубов, но се се срушило.

„Можеби би требало да бидам разочарана и лута, но не сум, продолжив понатаму и се појави тој кој повторно ме направи среќна.“