Статуата во природна големина ќе биде поставена на терасата на концертниот простор во Камден.

Бронзената Ејми Вајнхаус ќе биде изработена во природна големина, како стои потпрена со лактот на оградата, а ќе биде поставена во славниот клуб Раундхаус во Камден, каде посетителите ќе ги „гледа“ од балконот.

Статуата е дело на уметникот Скот Итон, кој фотографиите ги објавил на својот сајт и нагласил дека станува збор за дело во создавање.

„Вака изгледа основата за Ејми, а се надевам дека наскоро ќе биде завршена. Можеби е малку рано да ви ги покажам сликите, но сакав да видите како ќе изгледа“, напишал тој.

Статуата од покојната Ејми Вајнхаус (27) ќе биде направена во рамки на проектот „Сеќавање на Ејми“, кој ќе опфати уште неколку видови оддавање почести на трачично загинатата пејачка.