Едит Касас (22) се верила со човекот кој моментално служи затворска казна поради убиството на нејзината сестра близначка. Вели дека убиецот не би згазнал ни на мравка.

Виктор Кинголани моментално во аргентинскиот затвор служи 13 годишна затворска казна поради убиството на својата девојка Џоана Касас (19). Осуден е дека во неа во август 2010 година, неколку дена пред нејзиниот роденден, во неа испукал да смртоносни куршуми од огнено оружје.

Овие денови аргентинската јавност беше шокирана од веста дека Едит Каса (22), сестрата близначка на Џоана, во убиецот на сопствената сестра ја пронашла љубовта на својот живот. Се верила со него и веќе договорила венчавка, за што матичната канцеларија во градчето Пико Трункадо на југ од Аргентина им дал дозвола.

Церемонијата би требала да се одржи во тамошниот затвор, под услов мајка и на Едит да не ги спречи со некое чудо. Марселина Касас својата ќерка, за која тврди дека го предала семејството, сака да ја прати на психијатарски преглед затоа што верува дека полудела.

Од друга страна, Едит одмавнува со раката тврдејќи дека многу добро знае во што се впушта и дека психијатар не и треба. Уверена е во невиноста на Виктор и вели дека не би згазнал ни на мравка. Како и секој осуденик, Виктор исто така тврди дека не е виновен и додава: „Ја сакав Џоана, а ја сакам и Едит. Имам прекрасна вереница и ќе се венчаме“.