Нуркачи го пронајдоа рускиот брод кој со 700 тони руда злато потона минатиот месец во Охотското море, а неговите 11 членови екипаж и понатаму се водат како исчезнати.

Руската агенција Itar-Tass јави дека бродот е пронајден на длабочина од 75 метри.

Товарниот брод „Амурскаја“ исчезна на 28 октомври кога даде сигнал за тонење во областа на Сантарските острови, по што врската со истиот е прекината.

Полицијата во меѓувреме подигна обвинување против сопственикот на бродот, кој истовремено е и директор на станицата за бродови Николаевск, каде што бродот е регистриран, затоа што издал налог бродот да исплови и порак лошото време и непочитувањата на прописите за товар.