Колекцијата на накит "Стилот на Џоли", која холивудската ѕвезда Анџелина Џоли ја создаде минатата година во соработка со Роберт Прокоп, наскоро ќе може да се види во Франција...

Ѕвездата ќе ги покаже своите ѓердани, прстени, белегзии и другиот блескав накит во Кап Феран и во Монако ова лето. Во април колекцијата беше прикажана во Сент Џулијанс во Малта и во Беверли Хилс. Накитот ќе може да биде виден меѓу 15 јули и 15 август. Цените сеуште не се објавени, но сигурно ќе бидат такви што ќе создаваат вртоглавица.

Собраната сума нема да отиде на сметката на Џоли и Пит, туку ќе биде дадена на здружението "Партнерство за образование на децата во конфликтни зони", кое им помага на децата кои живеат во земјите опфатени со конфликт, на кои им нуди едукативни програми.

Убавата актерка, која неодамна беше прогласена за специјален претставник на Високиот комесар за бегалци на ОН, е подпретседателка на фондацијата. Благодарение на напорите, минатата година во Авганистан беше изградено едно училиште за девојчиња.