Женскиот оргазам зависи од многу работи, но и од исхраната, вели Марена Лајнберг, авторка на книгата "The Orgasmic Diet", и ги советува жените да не пијат кафе туку маслиново масло, ако сакаат да уживаат во креветот...

"Диетата која ќе го подобри оргазмот кај жените се заснова на исхраната која го доведува до рамнотежа серотинот и допаминот. Тоа значи дека би требало да се внесуваат состојки богати со протеини, цинк и магнезиум: месо, риба, житарици, зелено овошје, ореви, алги и чоколадо", советува Марена Лајнберг.

Таа објаснува дека серотинот е поврзан со намаленото либидо, а допаминот со сексуалната желба. Нивната рамнотежа може да се постигне преку исхрана богата со омега 3 масните киселини, кои се наоѓаат во рибата, но и во маслото од ленено семе, темно чоколадо, пишува сајтот Intimate Medicine.

Во врска со тоа треба да се знае и кои намирници би требало да се избегнуваат бидејќи лошо влијаат на либидото и самиот оргазам. Треба да се исфрли кафето, алкохолот и цигарите, советува Лајнберг.

Таа вели дека за "игрите во креветот" лоши се и белото брашно и шеќерот, а жените кои ги послушале и биле на нејзината "диета" велат дека навистина има ефект.

"Ним им се врати желбата за секс веќе по две недели, а оние кои имале проблем да дојдат до "врвот" велат дека сега веќе тоа не се случува".