Најважните работи во животот, кои не прават среќни, не се купуваат со пари...



Она што не прави најсреќни е бесплатно и лесно достапно, но за жал не сме свесни за тоа.

Истражувањето спроведено на 2.000 испитаници во Велика Британија било фокусирано на работите што не прават среќни во животот.

22% од испитаниците ја ставиле насмевката на прво место од списокот на приоритети за среќата, додека за 1% помалку - уживањето во добрата храна го освојува второто место.

На трето место од среќните животни моменти е прегратката, а на топ 10 листата се наоѓаат и чувството на сонце на кожата, читање добра книга, шетање на плажа и лежење во кревет со чиста постелнина.

Меѓу овие топ 10 се наоѓаат и набљудувањето на залезот на сонцето, разгледување на стари фотографии и мирисање на свежо косена трева.

„Се чини дека комплицираниот и стресен живот што го водиме направи да се поврзуваме со работите што ни се важни. Семејството, пријателите и природата се она што не прават среќни и смирени“, објаснува Ралф Вокер, кој ја спроведел анкетата.