Следниот пат кога вашата дежурна „вештерка“ од канцеларијата ќе ве фати како гледате слики од слатки животни на интернет, слободно кажете и дека нема причина да беснее, затоа што вие само се обидувате да го подобрите работниот ефект.

Ново истражување на јапонски научници докажало дека повременото гледање на видео снимки или фотографии од слатки кученца или мачиња допринесува на работниот ефект на вработените, посебно ако областа на работа бара голема прецизност и концентрација.

Резултатите покажале дека по гледањето на такви слики побрзо и поточно работиме затоа што ни се изострува вниманието и ги забележуваме деталите кои порано ни се провлекле.

Истражувачите од Универзитетот Хирошима ги поделиле испитаниците во три групи и им дале да решаваат различни задачи пред и по гледањето на фотографиите на кои имало разни слатки мали животни.

По гледањето на фотографиите, испитаниците во просек имале 44% повеќе точно решени задачи, а за тоа им било потребно 12% помалку време.