Непозната личност пријавила во полицијата дека има заложници во куќата на актерот. Оваа шега ги чинела даночните обврзници околу 10.000 долари.

Непозната личност ја искористила услугата за праќање телетекст во Итната служба, наменета за личности со оштетен слух, и напишала дека во куќата на Ештон Качер во тек е криза со заложници.

„Се наоѓаме во куќата на Качер, и повеќе од нас сме заробени. Опкружени сме со наоружени луѓе кои зборуваат со руски акцент и испукани се повеќе куршуми“, гласела пораката поради која полицајците побрзале на адресата на куќата на Качер во Лос Анџелес.

Кога стигнале таму, затекнале три збунети работници кои реновирале дел од куќата и немале поим за ништо. Качер бил на пат, а никакви заложници ниту наоружени Руси не биле на видик.

Полицијата истражува кој бил „паметниот“ кој со оваа лажна дојава ги чинел даночните обврзниц повеќе од 10.000 долари.