Највисокиот човек во Америка, 29-годишниот Игор Вовковинскиј после неколку години конечно ќе може да излезе од дома и нормално да прошета. Инаку, момчето кое болува од гигантизам е висок 234 см!...

Токму поради тоа не може да најде соодветни патики, а ако најде нешто во што неговото стапало со број 60,5 ќе влезе, тоа бргу се распаѓа. Затоа компанијата Reebok одлучила да направи патики по мерка за Игор вредни 12.000 долари кои ќе му ги дадат како подарок.

"Јас сум како заробеник во сопствената куќа. Едвај ги чекам новите патики за да можам нормално да прошетам", изјавил Игор.

Момчето во изминативе шест години било на 16 операции, а бил присилен и три години да лежи во кревет поради што му ослабеле и мускулите. Игор инаку е роден во Украина, а неговото семејство се преселило во САД за Игор да може да добие подобра лекарска нега и операците кои му биле потребни поради гигантизмот.