Американка на бизарен начин "ќарила" уште една недела одмор - им јавила на шефовите дека починала нејзината ќерка...

Џоан Барнет од Њујорк според законот има повеќе од 2 месеца одмор во училиштето во кое работи, но тоа очигледно не и било доволно. Таа била со двете ќерки на одмор во Костарика, каде одлучила да го продолжи уживањето уште една недела.

Таа најпрво една од своите ќерки ја натерала да се јави на нејзиниот работодавач во Њујорк и да им каже дека нејзината трета ќерка, која не постои, доживеала срцев удар.

И самата Барнет покасно се јавила во училиштето и им соопштила дека поради неочекувана трагедија мора да остане уште една недела во Костарика, со цел да организира документи за погребот.

Таа по враќањето од одморот донела и посмртница на непостоечката ќерка Сини Дејли, но во училиштето станала сомнителна бидејќи на документот не биле користени исти фонтови на буквите.

Барнет покасно признала дека и се останувало на егзотичниот одмор, па затоа ја "закопала" ќерката која ја нема. Добила отказ, и сега одговара пред судот поради измама и фалсификат.