Спенсер Елден сега е младич, но ќе биде запомнет како најпознатото бебе на рокенролот, благодарејќи на омотот за албумот на Nirvana...

Познатиот албум на Nirvana неодамна наполни 20 години, баш како и Спенсер, кој во септември 1991 година го фрлиле гол во базенот и го фотографирале за омотот на албумот.

„И ден денеска луѓето ме претставуваат како ‘Бебето на Nirvana’, а често се шегуваат со мене и ме прашуваат дали одредени делови од телото ми останале со иста големина како на сликата“, вели Спенсер.

„Секогаш имам подготвен одговор - не, порасна, сакаш да видиш?“

Елден вели дека ги обожава Nirvana, иако ни како бебе немал шанса да се запознае со Курт Кобејн, кој подоцна изврши самоубиство.

„Не постои песна од Nirvana која не ја сакам. Со друштво ја прославивме 20 годишнината на албумот, седевме, се дружевме и, се разбира, слушавме Nirvana“, вели тој.