Интернет порталот AskMen составил листа од 10 најстрасни филмски сцени од филмската историја...
Кери Грант и Ингрид Бергман се прогласени за најсекси филмска двојка, односно парот кој ја одглумил најстрасната сцена "некогаш" во филмот "Notorious".
Напнатиот филм за шверц на ураниум и инфилтрацијата на Грант во група нацисти, било доволно за режисерот Алфред Хичкок да стави контрола, а "жените ширум светот" да воздивнуваат поради сцената во која главниот актер страсно се љуби.
На второто место се наоѓаат сопружниците Хавиер Бардем и Пенелопе Круз, односно сцената на бакнување во филмот "Шунка, Шунка". Уредништвото на порталот AskMen духовито додале дека "освен фактот дека Бардем е кул тип", очигледно и поради тоа Пенелопе Круз е една од најпосакувани жени на светот.
"Доколку не верувате, погледнете го филмот "Вики, Кристина, Барселона" и ќе видете дека дури и Скарлет Јохансон покрај неа не изгледа толку добро", пишува на сајтот.
На трето место се Мики рурк и Ким Бесинџер во филмот "Девет и пол недели". Сцената која освоила бронза, се разбира, е онаа во која Мики ја "храни" Ким.
На четвртото место се Итан Хоук и Џули Делпи во "Пред Изгрејсонце", на петтото Џорџ Клуни и Џенифер Лопез во "Out of sight", шетото "Танго сцена" со Бред Пит и Анџелина Џоли од филмот "Господин и госпоѓа Смит", на седмото Ворен Бит и Феј Данавај во филмот "Бони и Клајд", осмото Стив Меквин и Али Мекгроу во филмот "The getaway", деветтото сопружниците Моника Белучи и Висент Касел во филмот "L'appartement" и на десеттото Селма Хајек и Антонио Бандерас во филмот "Desperado".
