Американка ги тужи авторите на филмот за распеаните калуѓери, тврдејќи дека ја ископирале нејзината автобиографија...

Речиси 20 години од кога излезе првиот дел од филмот „Откачени калуѓерки“, Делоис Блејкли ги тужи студијата Disney и Sony затоа што ја украле нејзината животна приказна и ја претвориле во сценарио.

Блејкли во 1987 година објавила автобиографија „Калуѓерки од Харлем“, во која го опишува својот живот меѓу непривилигираните деца, кои се обидувала со учење на пеење да ги заинтересира и за други работи освен криминал.

Таа истата година се обидела својата приказна да ја продаде за сценарио, но не успеала, а тврди дека еден од луѓето со кои контактирала на крајот ја продал нејзината идеја на Disney.

Блејкли сега бара непозната сума за отштета, а зошто чекала 20 години за да ја поднесе тужбата не откри.

Првиот дел „Откачени калуѓерки“ со Вупи Голдберг во главна улога заработил 230 милиони долари на благајните. Подоцна е снимено и продолжение и е направен е бродвејски мјузикл со иста тема.